月餅節快樂

        今日係中秋節，講聲中秋快樂先！！咁特別嘅日子，我就緊係又係留左喺屋企啦，冇出去玩，除左下晝同爸媽去左打邊爐，我發現三人同行一人免費，原來得將軍澳呢間分店有，真係幸運，係中秋節最好嘅消息。
       我成日留喺屋企做咩，其實我喺度同細路研究之前生日送俾佢嘅太空軌道，今晚已經係第三晚砌，本想一日搞掂嘅嘢結果搞左三晚……都未搞掂，真係砌到極沮喪，尤其是個三百六十度灣位，搞左我哋成晚……都未搞掂。結果就係，聽日先算lu，正所謂，希望在明天嘛。