大雄！我真係要走啦

        今日，多啦a夢隨大雄去了。
        林保全喺2015年嘅第二日離開左我哋，離開左全部香港人。說實話今日聽到呢個消息嗰刻只係覺得好突然，未算太難過，因為我都已經有幾年冇睇到多啦a夢。直到夜晚喺網上不斷睇到以前佢配音嘅多啦a夢片段，聽到佢好難被取代嘅聲音，就慢慢諗返起我睇過佢配音嘅一d角色。
        除左多啦a夢，最令我深刻嘅就莫過於數碼暴龍嘅甲蟲獸：“光子朗！光子朗！“相信有好多九十後嘅人都同我一樣記得佢喺數碼暴龍裏面嘅呢把聲。另外，佢原來仲配過龍珠裏面嘅悟空，高達裏面嘅啊寶，星矢裏面嘅紫龍等等。
        今日回憶返嘅唔止係林保全配過音嘅角色，仲有以前睇多啦a夢嘅片段，當年充滿童真嘅我哋。只可以話時間過得好快，林保全陪伴左兩個世代嘅香港人，佢永遠都係老一代心目中嘅叮噹，年輕一代心目中嘅多啦a夢，而同時我哋係佢身邊嘅大雄。